ماسكات لتفتيح البشرة

طبعا كلنا نفسنا بشرتنا تبيض وتنعم وبطريقة طبيعية وزى ما قلت ياريت التقشير كل اسبوع او عشرة ايام علشان البشرة تستفاد بالماسك ومعلش ماسكات التبيض بتاخد وقت علشان تجيب نتيجة لان كل الطبيعى كدة وبتفضل البشرة جميلة مش زى الكريمات اللى مفعولها بيروح بعد ما نسيبها

[وحدهم المشرفون لديهم صلاحيات معاينة هذا الرابط]

اول ماسك :
معلقة دقيق ابيض ومعلقة زيت زيتون ومعلقة لبن ونص لمونة ويتم فردة على الوجة والرقبة لمدة 20 دقيقة وبعدين نشطفة بالماء الدافى ثم البارد

الماسك الثانى
برغم انة بسيط جدا الا انة نتيجتة تحفة جدا معلقتين لبن بودرة اى نوع ومعلقتين لبن سايل نخلطهم كويس ونفردة على الوجة والرقبة نصف ساعة ونغسلة بالماء الافى ثم البارد

الماسك الثالت
دة تحفة يا جماعة نصف علبة زبادى بايت وندوب فية قرص اسبرين بعد طحنة الماسك دة بيستخدم فى اكبر مراكز التجميل نفردة نصف ساعة ونشطفة بنفس الطرق السابقة

الماسك الرابع
2 معلقة بودرة جونسون لاطفال ومعلقة مية ورد ومعلقة لبن الماسك دة غير انة بيبيض كمان بينور وينعم وبيدى ريحة تحفة ونفردة نصف ساعة ونشطفة بنفس الطريقة

الماسك الخامس
1 بطاطس مسلوقة بقشرها ونص كوب لبن ونضربهم كويس فى الخلاط ويفرد على الوجة بالاضافة لمنطقة تحت العين تحفة بيبيضها والباقى بيتحط فى التلاجة عادى ويشطف بنفس الطريقة

الماسك السادس
نص خيارة مبشورة وناخد عصيرها ونص عصير لمونة و2 معلقة دقيق ابيض ويفرد ويشطف بنفس الطريقة

الماسك السابع
معلقة نشا ومعلقة زبادى بايت ونص عصير لمونة ونص معلقة زيت زيتون ونحطة 20 دقيقة ونشطفة بنفس الطريقة

لشرح كل طريقة ونتيجتها من هنااااااااااا

[وحدهم المشرفون لديهم صلاحيات معاينة هذا الرابط]

ارجوا ان يكون افادكم الموضوع

[ندعوك للتسجيل في المنتدى أو التعريف بنفسك لمعاينة هذه الصورة]

منور اخي عماد والله شرفت ونورت
شكرا لتواجدك بصفحتي
كل الاحترام

[ندعوك للتسجيل في المنتدى أو التعريف بنفسك لمعاينة هذه الصورة]

» خلطة لتبيض البشرة فى ثلاث ايام
» خلطة لتبيض البشرة تخلي السمراء بيضاء والبيضة ثلجة